The Telegraph газетаси экспертлари автомобилда саёҳат қилиш учун дунёдаги ўнта энг яхши йўналиш рўйхатини тузди. Жойлар муайян тартибда бўлмаган рўйхатга марказий Калифорния бўйлаб ўтган қарийб 200 километрлик йўл кирди.
Қатнов йўли Монтерей шаҳрида бошланиб, Тинч океани бўйлаб жанубга йўналган. У сайёҳлар орасида оммабоп бўлган Кармель шаҳридан, шунингдек, Калифорниянинг кам аҳоли яшайдиган Биг-Сур туманидан ўтади, ёзувчи Жек Керуакнинг «Биг-Сур» романи шу ҳудудга бағишланган. Йўл Морро-Бей аҳоли пунктида тугайди.
Юқори ўнликка, шунингдек, Шотландия шимолида жойлашган, тахминан 830 километр узунликка эга North Coast 500 йўли ҳам кирди. Уни Американинг машҳур Route 66 шоссесига «шотландча жавоб» деб аташади. У минтақанинг бир нечта энг олис трассаларини бирлаштиради. Сафар чоғида кўллар, қасрлар ва тоғлар манзарасидан баҳраманд бўлиш мумкин.
Бундан ташқари, рўйхатдан Австриядаги баланд тоғлардан ўтган Гросглоккнер йўли ҳам жой олди. У мамлакат марказидаги Зальцбург ўлкаси ва жанубдаги Каринтияни бирлаштиради. 36 та муюлишдан иборат айланма йўлнинг узунлиги 48 километрга етади. Унинг максимал баландлиги — қарийб 2,5 минг метр.
Рўйхатга Шимолий Америка, Уэльс, ЖАР, Италия, Ирланд денгизидаги Мэн ороли, Австралия ва Норвегия бўйлаб ўтган бошқа йўллар ҳам кирди.
Изоҳ (0)