Si Szinpin Trampni Koreya yarimorolida Xavfsizlik kengashi rezolyutsiyalariga zid harakatlardan tiyilishga chaqirdi

Xitoy Koreya yarimoroli muammolarini hal etish BMT Xavfsizlik kengashi rezolyutsiyalariga zid uslublar bilan amalga oshirilishini yoqlamaydi. Bu haqda Xitoy yetakchisi Si Szinpin AQSh prezidenti Donald Tramp bilan telefon orqali muloqoti chog‘ida ma’lum qildi, deya xabar beradi “TASS”.

“Xitoy tomoni BMT Xavfsizlik kengashi rezolyutsiyalariga zid harakatlar amalga oshirilishiga butkul qarshi. Shuningdek, biz barcha manfaatdor tomonlar o‘zini qo‘lga olishi va Koreya yarimorolida keskinlik kuchayishiga olib keladigan urinishlardan o‘zini tiyishiga umid qilamiz”, — deya ta’kidladi Si Szinpin.

Si Szinpin ayni paytda barcha tomonlar mas’uliyatni chuqur his etishi va bir-biri sari qadam tashlashi zarurligini bildirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!