25 апрель куни Ўзбекистон Марказий сайлов комиссияси (МСК)нинг мажлиси бўлиб ўтди. МСК матбуот хизматидан маълум қилишларича, мажлисни комиссия раиси Мирзо-Улуғбек Абдусаломов бошқарди.
Мажлисда Тошкент шаҳрининг Олмазор тумани собиқ ҳокими Баҳодир Ғоибназаровнинг сенаторлик ваколатини муддатидан илгари тугатиш тўғрисида қарор қабул қилинган. Бу қарор Ғоибназаровнинг ёзма аризасига биноан чиқарилган.
Хабар беришларича, МСК Олмазор тумани собиқ ҳокимининг сенаторлик ваколати билан бирга, Олий Мажлис Қонунчилик палатаси депутати Дониёр Абдуқодировнинг ҳам ваколатини муддатидан илгари тугатиш тўғрисида алоҳида қарор қабул қилган.
Аввалроқ, Тошкент шаҳрининг собиқ ҳокими, 2016 йил сентябридан бери Жиззах шаҳрига ҳокимлик қилиб келаётган Абдуқаҳҳор Тўхтаев Олмазор туманига ҳоким этиб тайинлангани ҳақида хабар берилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)