Фуқаролик авиацияси халқаро ташкилоти (ИКАО) экспертлар гуруҳи 10—21 апрель кунлари Ўзбекистон фуқаролик авиацияси тизимини аудитдан ўтказди. Бу ҳақда «Ўзбекистон ҳаво йўллари» миллий авиакомпанияси матбуот хизмати хабар бермоқда.
ИКАО мутахассислари, Германия, Франция, Куба ва Канада вакилларидан иборат аудиторлар Ўзбекистоннинг фуқаролик авиацияси соҳасидаги қонунчилиги, тартибга солиш ва назорат тизимининг ташкил этилиши, парвозлар хавфсизлигининг таъминланиши, учишга яроқлилик, авиация ҳодисаларининг текширилиши, аэродромлар таъминотини ўрганди.
Экспертлар, шунингдек, «Ўзбекистон ҳаво йўллари» миллий авиакомпанияси ва Silk Road Cargo Business авиакомпанияси бўлинмалари фаолияти билан ҳам танишди.
Audiт натижалари бўйича Ўзбекистон фуқаролик авиациясида парвозлар хавфсизлиги даражасини ошириш юзасидан тавсиялар ишлаб чиқилиши кўзда тутилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)