22 апрель куни Ўзбекистон ташқи ишлар вазири Абдулазиз Комилов Ўзбекистонга Афғонистон делегацияси таркибида амалий ташриф билан келган Афғонистон президентининг инфратузилма, кадрлар ресурси ва технологиялар бўйича катта маслаҳатчиси Ҳумоюн Қаюмий ҳамда президентнинг МДҲ мамлакатлари билан ҳамкорликни ривожлантириш бўйича махсус вакили Муҳаммад Шокир Коргарни қабул қилди. Бу ҳақда ТИВ матбуот хизмати хабар бермоқда.
Суҳбат чоғида Ўзбекистон ҳукумати делегациясининг 23—24 январь кунлари Кобул шаҳрига ташрифи ва Афғонистон раҳбарияти билан олиб борган музокаралари доирасида эришилган келишувларни ижро этиш жараёни батафсил муҳокама қилинди.
Хусусан, 2017 йилда икки мамлакат ўртасида кенг миқёсли ҳамкорликни янада ривожлантириш режаси («Йўл харитаси»)ни амалга ошириш борасида олиб борилаётган амалий ишлар бўйича фикр алмашилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)