АҚШ Конгресси вакиллар палатасининг разведка қўмитаси Россияни АҚШдаги президентлик сайловига аралашуви тахмин қилинаётган тергов ишини 2 май куни кўриб чиқишни белгилади, деб хабар берди «Коммерсантъ».
Муҳокамага Федерал қидирув бюроси директори Жеймс Коми ҳамда Миллий хавфсизлик агентлиги раҳбари Майкл Рожерслар таклиф қилинган. Бўлиб ўтадиган суд ишида Марказий разведка бошқармасининг собиқ бошлиғи Жон Бреннан, Миллий разведка собиқ директори Жеймс Клэппер ҳамда АҚШ бош прокурорининг собиқ ўринбосари Салли Йетсларнинг келиши ҳам кутилмоқда.
Эслатиб ўтамиз, 2016 йил июлда, АҚШ Демократик партияси сайловолди съездига икки ҳафта қолганида Wikileaks сайти «аноним активистлар» томонидан юборилган, демократлар миллий қўмитаси серверларидан кўчириб олинган 19 минг хат ва 8 минг файлни эълон қилганидан сўнг Россия диққат марказга тушиб қолганди. Америка расмийлари ва киберхавфсизлик доирасида фаолият юритувчи компаниялар киберҳужумда «руслар изини» кўрганлини, бузилиш ортида Бош разведка бошқармаси ва Федерал хавфсизлик хизмати турганини маълум қилган эди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)