Ойликкача ҳали бир ҳафта бор, сизнинг эса пулингиз тугаб қолдими? Тез-тез қарз олишга ва ўзингизни чеклашга тўғри келаяптими? Шахсий жамгармаларингизнинг тўғри молиявий тизимини қуриш учун молиячилар маслаҳатига амал қилинг.
Фото: Depositphotos
Бюджет ишлаб чиқиш
Бу зерикарли машғулот асосий мақсад томон бориш учун зарур. Молиявий режа энг муҳимини аниқлаш ва ғайри ихтиёрий харажатларга йўл қўймасликка ёрдам беради. Бундан ташқари у безовталик даражасини камайтиради: агар пул режасиз сарфланаётган бўлса, иш ҳақига бир ҳафта қолганда ҳар доим пулсиз қолиш имконияти мавжуд бўлади.
Хавф-хатарни қабул қилиш ва ҳисобга олишни билиш
Тез бойишни ваъда қилувчи шубҳали режаларга пул сарфлаш ва сармоя киритишдан қўрқиш ҳам нотўғри. Маблағни сарф қилиш керак. Лекин бундан олдин сизнинг молиявий мақсадларингизга қайси имкониятлар мос келишини аниқлаш ва юз бериши мумкин бўлган хавфларни ҳисоблаб чиқиш зарур.
Носоғлом рақобатнинг олдини олиш
Бошқалар билан ўзини солиштириш — шубҳали танлов. Агар одам янги модадаги машина ёки данғиллама уйни бошқаларга ўзининг устунлигини кўрсатиб қўйиш учун сотиб олса, у пулини ва энергиясини бекорга сарфлаган бўлади. Шу билан бирга, ўзининг ҳақиқий аҳамиятли мақсадларини амалга оширишдан узоқлашади.
Ўз шахсини пулдан ажратиш
Молиявий мустақиллик — бу молиядан ҳам мустақил бўлиш. Шунинг учун ойлик ёки жамғарма ҳажми ўзи ҳақидаги фикрга таъсир қилмаслиги керак. Яъни:
Инсон қадр-қиммати камтарона шароитда ҳам жабрланмаслиги керак.
Буюмларга жиддий эътибор берманг
Молиявий жиҳатдан эркин одамлар ўзларининг буюмларига ғамхўрлик қиладилар, лекин уларга сиғинмайдилар. Агар керак бўлса улар исрофгарчиликлардан воз кечишга ҳам тайёр бўлишади. Шунинг учун уларнинг ҳаётида фақат бойлик орттиришгина эмас, балки бошқа ёқимли лаҳзалар ҳам иштирок этади.
Изоҳ (0)