Баҳор келиши билан таътил ва саёҳатларни режалаштира бошлаймиз. Мустақил саёҳат қилиш бўйича оз бўлса-да тажрибага эга бўлганлар меҳмонхона ва хусусий квартираларни бронлаштириш хизматлари билан таниш бўлса керак.
AdMe саёҳат қилиш жараёнини арзонлаштирувчи усулларни эътиборингизга ҳавола этади.
Hospitality Club — чет элда дўстлар топиш ва меҳмонга бориш
Hospitality Club ёки «Меҳмондўстлик клуби» меҳмонлар учун мўлжалланган энг йирик халқаро ижтимоий тармоқ. Клуб аъзолари бир-бирига нафақат тунаш жойи, балки бошқа кўмакларни ҳам кўрсатади.
«Нестеров» поезди
«Нестеров» поезди Европага 40—70 фоиз арзонроқ етиб олиш имконини беради. 29-рақамли Москва—Калининград поезди Вилнюс орқали ўтади, бироқ чипталари нархи ички йўналишлар каби, қиммат эмас.
Hotel Tonight — меҳмонхоналардан дисконт таклиф
Hotel Tonight дастури сафарга чиқишнинг охирги дақиқасида маҳмонхона ва хостел хоналарини чегирма билан банд қилиш имконини беради.
Sandemans New Europe — текин экскурсиялар
Sandemans New Europe Европа ва Яқин шарқнинг 18 та шаҳри бўйлаб текин пиёда экскурсияларни таклиф қилади. Уларни истеъдодли гид-волонтёрлар олиб боради.
Last minute — «ёнаётган» чипталар
Last minute — авиакомпания ва меҳмонхоналарнинг «ёнаётган» таклифларини тўпловчи онлайн ресурс. Эртанги тонгги рейс учун авиачипта қидиришни айнан ундан бошлашингиз мумкин.
AirPnP — текин ҳожатхоналар қидируви
AirPnP — нафақат пулингиз, балки вақтингиз (эҳтимол, асаб ҳужайраларингиз)ни ҳам иқтисод қилувчи оригинал дастур. Сервис яқин атрофдаги ҳожатхоналар (пуллик ва текин) жойлашувини кўрсатади.
Roamer — ўз рақамингиздан маҳаллий тарифлар бўйича қўнғироқ қилиш
Ушбу дастур ёрдамида қўнғироқларни минимал тарифлар бўйича амалга ошириш учун чет эл сим-картасига ўз рақамингизни улашингиз мумкин.
Home Exchange — уй ва квартираларни алмашиш
Ҳозирда сервис базасида дунёнинг 150 та мамлакатида жойлашган 65 мингдан ортиқ уй ва квартира мавжуд. Алмашув ҳар доим ҳам бир вақтнинг ўзида амалга ошмайди: кўпинча саёҳатчилар бир-бириникига навбат билан меҳмонга боради.
Protect Free VPN+Data Manager — интернетдан тежаш
Protect Free VPN+Data Manager дастури исталган кўринишдаги маълумотларни сиқиш имконини беради, бу эса интернет трафикни анча тежашга ёрдам беради.
BeepCar — ҳамроҳ қидириш
BeepCar автомобиль сафарларида ҳамроҳ топишга ёрдам беради. Ҳайдовчилар режалаштираётган саёҳатлари ҳақидаги маълумотни дастурга жойлайди, йўловчилар эса йўналиш ва вақти бўйича мос келувчи вариантни танлаб ҳайдовчи билан бензин харажатларини бўлишади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)