Буюк британиялик Александр Маканга тасодифан фил боласига тимсоҳ ҳужум қилганига гувоҳ бўлди. Сайёҳ сув ҳавзасига қараб бораётган филлар тўдасини тасвирга олаётган вақтда тимсоҳ фил боласига ҳужум қилди. Бу ҳақда National Geographic хабар берди.
Ҳодиса Малави жанубидаги Ливонде миллий боғида юз берган. Тимсоҳ филчанинг хартумидан тишлаб олган, катта филлар орқага тисарилиб, ҳайқира бошлаган. Филлардан бири филчага хартумини тимсоҳ оғзидан чиқариб олишга ёрдам берган ва йиртқични қувиб юборган.
Умумий ҳудудда яшовчи тимсоҳлар ва филлар тез-тез тўқнашади. Йиртқич филга тўсатдан ташланмаса, фил одатда ҳужумдан қутулиб қолади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)