Ўтган кеча Афғонистон шимолидаги Бағлон вилоятида ўтказилган аксилтеррор операцияси натижасида камида 22 нафар «Толибон» жангарилари ҳамда уларнинг дала қўмондонлари йўқ қилинди. Бу ҳақда Афғонистон Мудофаа вазирлиги маълум қилди, деб хабар бермоқда «ТАСС».
«Афғон разведкасидан олинган маълумотлар асосида, ҳаво кучлари ёрдамида 18 апрель, сешанбадан чоршанбага ўтар кечаси Бағлон вилоятидаги Данд-э-Гури уездида операция ўтказилди. Тадбир давомида «Толибон» террорчилик ҳаракатининг 22 нафар жангариси йўқ қилинди ва уч нафари асирга олинди», — дейилади «Синьхуа» агентлиги томонидан келтирилган баёнотда.
Мудофаа вазирлигининг маълум қилишича, «Толибон» бошлиқларидан бири ва тўрт нафар маҳаллий дала қўмондонлари йўқ қилинган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)