2002—2014 йилларда Афғонистон президенти бўлган Ҳамид Карзай АҚШ томонидан ўта қудратли портловчи авиация бомбаси ёрдамида республика ҳудудига берилган зарбани кескин қоралади, деб ёзади «ТАСС».
«Мен узил-кесил ва энг қатъий равишда Америка қуролли кучлари Афғонистонга энг янги ядровий бўлмаган бомбани ташлаганини қоралайман, — деб ёзди Карзай ўз Twitter’ига. — Бу террор билан жанг эмас, балки мамлакатимиздан янги ва хавфли турдаги қуроллар учун синов полигони сифатида ваҳшиёна ва шафқатсиз тарзда фойдаланишдир. АҚШни тўхтатиб қолиш афғонистонликлар қўлида».
Эслатиб ўтамиз, аввалроқ АҚШ Қуролли Кучлари 13 апрель куни Афғонистондаги ИШИД террорчилари объектларига ўзининг энг қудратли авиабомбаси — GBU-43/B’ни ташлагани, мазкур бомбадан илк бор жанговар шароитда фойдаланилгани хабар берилган эди.
Кейинроқ Америка махсус хизматлари собиқ ходими Эдвард Сноуден ўз Twitter’ида маълум қилишича, АҚШ Афғонистонга берган зарба жангариларнинг АҚШ томонидан молиялаштирилиб қурилган туннелларига теккан.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)