Американинг Огайо штатида саккиз ёшли бола кечқурун ота-онаси ухлаб ётган вақтда уларнинг машинасини ҳайдаб кетди. Бола машина ҳайдашни YouTube’даги видеодарслар ёрдамида ўрганиб олган. Бу ҳақда TJournal хабар бермоқда.
Болакай машинанинг юкхонасига тўрт ёшли синглисини солиб, McDonald’s’га йўл олган. У тахминан уч километр йўл босиб, тўртта чорраҳадан ўтган, темир йўлни кесиб ўтган ва бир неча марта бурилган. Гувоҳлар қайд этишича, у юқори тезликда режимга риоя қилган ва йўл белгиларига эътибор берган.
Бола кафе деразасигача бориб, чизбургер, фри картошка ва наггетслар буюртма қилган. Буюртма учун тўловни ўзи тўплаган пуллардан тўлаган. Муассаса ишчилари ҳодисани ҳазил деб ўйлаганини тан олди.
Йўлдаги гувоҳлардан бири полицияга машина рулини бошқараётган болакай ҳақида хабар берган. Полиция етиб келгач, бола йиғлаб юборган ва шунчаки чизбургер егиси келганини айтган.
Ота-она болаларини воқеа жойига келиб олиб кетди. Полиция уларга қарши ҳеч қандай айбловларни илгари сурмади.
Изоҳ (0)