Boeing янги 737 MAX 9 самолётини биринчи марта учириб синаб кўрди

Американинг Boeing корпорацияси 13 апрель, чоршанба куни ўзининг янги 737 MAX 9 самолётини биринчи марта учириб синаб кўрди, деб ёзади «ТАСС».

Корпорация хабарида айтилишича, янги ҳаво кемасини синаш дастури «жадвалга мувофиқ» бормоқда. Парвоз Вашингтон штатидаги Пьюджет кўрфази устидан ўтган.

Boeing’дагилар аниқлик киритилишича, айни пайтгача бутун дунё бўйлаб 86 та компаниядан ушбу оилага тегишли жами 3,7 мингдан ортиқ самолёт учун буюртма келиб тушган.

Янги Boeing 737 MAX 9 самолёти 737 MAX самолётлари оиласидаги энг илғор ҳаво кемаси ҳисобланади. Унинг парвоз узунлиги 6,5 минг км, крейсер тезлиги — тахминан 840 км/соатга тенг. Самолёт 2018 йилда фойдаланишга топширилиши кутилмоқда.