АҚШнинг Айдахо университети кампусида тажриба ракетасининг омадсиз учирилиши оқибатида тўрт киши яраланди. Жароҳат олганлар шифохонага етказилди, воқеа жойига қутқарувчилар етиб келди. Бу ҳақда ўқув муассасаси Twitter’даги расмий саҳифасида маълум қилди, деб хабар берди «РБК».
KHQ телеканалининг маълумотларига кўра, ракета синовини Шимоли-Ғарбий ракетасозлар ташкилоти ўтказган. Ҳозирча ракета нима сабабдан учирилгани маълум қилинмади, фақат синов маҳаллий қозонхона яқинидаги автомобиллар тураргоҳида ўтказилгани маълум.
Айдахо университети — штатнинг қадимий жамоат университети бўлиб, 20 мингдан ортиқ аҳолига эга Москоу (Москва) шаҳарчасида жойлашган. Тахминлардан бирига кўра, 1875 йилда Россиядан келган муҳожирлар туфайли шаҳарга шундай ном қўйилган.
Москоу полиция департаменти вакили Тайсонс Берретнинг KHQ янгиликлар каналига маълум қилишича, портлаш бино кампусига ёки тураргоҳдаги машиналарга зарар етказмаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)