«Одамлар яшайдиган орол» фильмида бош ролни ижро этган актёр Василий Степанов Москвадаги турар-жой деразасидан тушиб кетиб, омон қолди, деб ёзади «РИА Новости» вазиятдан хабардор манбасига таяниб.
Унинг сўзларига кўра, ҳодиса 10 апрель, душанба куни содир бўлган.
«Актёр Степанов Давидковская кўчасидаги беш қаватли уй деразасидан ўзини ташлади. Қулашдан сўнг у тирик қолди, касалхонага ётишдан бош тортди», — деди агентлик суҳбатдоши.
Актёр унчалик катта бўлмаган баландликдан — тахминан учинчи қават баландлигидан тушиб кетган. Степановнинг бундай хатти-ҳаракати сабабларини манба изоҳламади, унинг маълумотларига кўра, актёр деразадан ўзи сакраган.
ИИВнинг Москва бўйича бош бошқармаси эркак кишининг деразадан қулаши ҳолатини тасдиқлади, аммо бошқа тафсилотларни ошкор этмади.
Изоҳ (0)