Актёр Жорж Клуни Англиянинг Соннинг қишлоғидаги данғилама уйини таъмирлаётгани сабаб, қўшниларини вақтинча меҳмонхонага жойлаштирди, дея хабар бермоқда Daily Mail.
Клуни ушбу данғиллама уйни 2014 йилда сотиб олган, кўп ўтмай у ерда улкан реконструкция ишлари, жумладан, 20 метрли бассейн ва 12 кишига мўлжалланган кинотеатр қурилиши бошланган, мингга яқин катта дарахтлар пайдо бўлган эди.
Қўшнилар доимий тупроқ ташиган юк машиналаридан шикоят қилгач, киноюлдуз улар билан учрашди ва уларни олти ҳафта ҳашаматли меҳмонхонада яшаши, бир ҳафта грекларнинг Корфу оролида дам олишлари учун сарф-харажатни тўлаб берди.
Шунингдек, уларга 30 минг фунт (37 минг доллар) миқдорда товон пули ҳам тўлади. Бундан ташқари, Клуни таъмирлаш ишлари тугагунга қадар қўшни эр-хотиннинг ҳашаматли уйини ижара ҳақини тўлаб, уларга янги чангюткич совға қилди.
55 ёшли Жорж ҳамда унинг 38 ёшли рафиқаси Амал эгиз фарзанд кутмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)