Агар сизни саратоннинг олдини олиш қизиқтирса, яшаш тарзингиздаги салгина ўзгариш ҳам катта аҳамиятга эга. Шифокорлар маслаҳатига амал қилсангиз, бу сизни ҳалокатли касалликдан қутқазиши мумкин.
Чекманг
Тамакининг ҳар қандай турини қўллаш саратон хавфини келтириб чиқаради. Чекиш ва саратоннинг кўплаб – ўпка саратонидан тортиб буйрак ва бошқа турлари ўртасидаги боғлиқлик аниқланган. Ҳатто ўзингиз чекмасангиз ҳам, ёнингиздагиларнинг чекиши ўпка саратони хавфини оширади. Чекишни ташлаш – соғлиқни яхшилашнинг асосий усулларидан бири ва саратоннинг олдини олишнинг муҳим қисми ҳисобланади.Соғлом овқатлар енг
Сабзавот ва меваларни кўп енг. Мевалар, сабзавотлар ва бошқа ўсимликлардан олинадиган ловия каби ва яхлитдонли маҳсулотларни кундалик истеъмолингизнинг асосига айлантиринг.Ёғ истеъмол қилишни камайтиринг. Ёғли, айниқса ҳайвон ёғи қўшилган таомлардан воз кечинг. Улардаги юқори калория ортиқча вазн тўпланиш ва бунинг натижасида эса саратон билан касалланиш хавфини оширади.
Вазнингизни кузатиб боринг ва жисмонан фаол бўлинг
Нормaл оғирликни сақлаб туриш турли хилдаги саратон хавфини камайтириши мумкин. Жисмоний фаоллик ҳам катта аҳамиятга эга. У вазнни камайтиришга ёрдам беради, сут безлари ва йўғон ичак саратони хавфини камайтиради.Терингизни қуёшдан ҳимоя қилинг
Тери саратони – саратоннинг кўп учрайдиган турларидан бири, лекин унинг олдини олиш осон. Қуйидагиларга риоя қилинг:— Туш пайтидаги қуёшдан сақланинг. Қуёш нурлари кучли бўлган вақтларда – эрталаб соат 10 дан кундуз соат 4 гача қуёшга чиқманг.
— Қуёшдан ҳимоя қилувчи кўзойнаклар ва кремлардан фойдаланишни унутманг.
Мунтазам равишда тиббий кўрикдан ўтинг
Мунтазам равишда тиббий кўрикдан ўтиш – саратонни эртароқ аниқлаш имкониятини беради, бу эса ўз навбатида муваффақиятли даволаш эҳтимолини оширади.Манба: «Zdrav.ru»
Изоҳ (0)