Бу мақолада ҳомиладорлик даврида нималарни ейиш мутлақо мумкин эмаслиги шунингдек, қайси озиқ-овқатлардан ўзини тийиш маъқуллиги ва қайсиларини чеклаш кераклиги тўғрисида айтмоқчимиз.
Ҳомиладорликда истеъмол қилиш мутлақо мумкин бўлмаган озиқ-овқатлар
— Спиртли ичимликлар. Уларни истеъмол қилиш болангиз соғлиғи ва ўсишига тузатиб бўлмайдиган даражада салбий таъсир қилиши мумкин.— Хом гўшт, балиқ. Улар листерия бактериялари томонидан қўзғатиладиган листериоз касаллиги манбаси бўлиши мумкин. Бу жуда хавфли касаллик. Унинг ҳатто жуда енгил шакли ҳам бола тушишига, ўлик туғилишига олиб келиши мумкин.
— Хом тухум, қайнамаган сут ва улардан қилинган ҳар қандай маҳсулотлар салмонеллез манбаи бўлиши мумкин. Бу касаллик ҳомиладорларда ҳам она учун ва ҳам бола учун оғир оқибатларга сабаб бўлиши мумкин.
— Ўрмон қўзиқоринлари. Табиат қўйнида ўсадиган қўзиқоринлар атроф-муҳитдаги ҳамма заҳарли моддаларни ўз ичига тўплаб олади.
Ўзини тийиш маъқул бўлган озиқ-овқатлар
— Фаст-фуд егуликлари. Бу овқатларнинг асосий зарари шундаки, улар калорияни ва вазнни оширишдан бошқа ҳеч қандай фойда келтирмайди.— Ҳар қандай газли ичимликлар. Ҳамма газли ичимликлар таркиби карбонат ангидрид гази (CО2)дан ташкил топган. Бу газнинг пуфакчалари меъдада ёрилади. Бу эса ўз навбатида кекириш, зарда ва қорин дамлашини келтириб чиқаради.
— Қовурилган овқатлар – бу жигар ва буйракка қўшимча оғирлик юклайди. Углеводларга бой маҳсулотларни қовуриш давомида акриломид канцероген моддаси пайдо бўлади. Бу модданинг тўпланиши бола бош мияси ривожланишининг ўзгаришига олиб келади.
— Пишлоқнинг моғорли турига кирувчи рокфор, горгонзола ва юмшоқ пишлоқлардан бри, камамбера. Уларнинг таркибида листерий бактериялари бўлиши мумкин.
Манба: «Mammyclub.com»
Изоҳ (0)