Ижтимоий тармоқ фойдаланувчилари Виквирагтиргиргин фамилияли чукоткалик устага ҳамдардлик билдирди

«Вести недели» дастури бошловчи Дмитрий Кисилёв билан бирга Валерий исмли суякдан нақшли буюмлар ясовчи устани кўрсатди, айтишларича, унинг фамилияси энг узун чукоткача фамилия — Виквирагтиргиргин. Томошабинлар ўймакор устанинг фамилияси устидан Twitter’да кулди, деб хабар берди «Рамблер».

Баъзиларга устанинг фамилияси ўт олган моторнинг овозига ва тез айтишда фойдаланиш мумкин бўлган сўзга ўхшаб кетган. «Дилетант» журнали сайтининг бош муҳаррири Алексей Соломин бунақа фамилия учун Виквирагтиргиргинга «турмушга чиқишга» тайёрман дея ҳазиллашди.

Блогерлар уста шахсияти билан қизиқиб, унинг «Крайний Север» газетасида босиб чиқилган интервьюсини топди. Аниқланишича, Виквирагтиргиргин 1955 йилда Эльотконвин қишлоғида туғилган. Унинг отасининг исми Ятгиргин, онаси эса — Мийн’ин’эв.

Фойдаланувчилар унинг фамилияси «мард, катта, қўпол, қоронғи, совуқ, кучли, буюк» каби таржима қилинишини ёзди. «Дарё»нинг Telegram’даги расмий канали — @toshqindaryo’га аъзо бўлинг!