Хитой жануби-ғарбидаги Чунсин шаҳри чеккасидаги тоғда, 200 метр баландликда «Самовий йўлак» номли сайр йўлкаси очилди. Бу ҳақда TJournal хабар бермоқда.
Ости ойнаванд бўлган пўлат конструкция тоғдан 80 метрга чиққан бўлиб, ундан туриб ўрмон манзарасини кузатиш мумкин.
Яқин орада Чунсинда марҳумларни ёдга олиш фестивали — Синмин бўлиб ўтади. Фестиваль давомида шаҳарга 10 мингга яқин сайёҳ келиши кутилмоқда.
Улар билан бирга Гиннес рекордлар китоби комиссияси ҳам ташриф буюриши ва сайр йўлкасини ўз йўналишида дунёда энг узуни сифатида қайд этиши кутилмоқда.
Бундан аввалги рекорд АҚШдаги 21 метрли йўлкага тегишли эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)