Япония Шимолий Кореяга нисбатан санкцияларни яна 2 йилга узайтирди. Бу ҳақда мамлакат ташқи ишлар вазири Фумио Кисида маълум қилди, дея хабар беради «ТАСС».
«Биз КХДР билан муносабатларда мулоқот ва босимни мужассам олиб боришни кўзлаганмиз. Шу тариқа Шимолий Корея билан боғлиқ барча, жумладан, унинг ракета-ядро дастури ва ўғирланган япон фуқаролари билан боғлиқ муаммолар ҳал этилишига эришиш ниятидамиз», — дея таъкидлади Фумио Кисида.
Санкциялар Пхеньян билан барча тўғридан-тўғри ва билвосита экспорт-импорт операциялари (жумладан, учинчи давлатлар орқали ҳам) тўлиқ ман этилишини кўзда тутади. Икки давлат ўртасидаги ҳар қандай транспорт тури қатнови ҳам буткул тақиқланган.
КХДРга нисбатан чекловлар 2006 йилда, Пхеньян томонидан ўтказилган биринчи ядро синовидан сўнг жорий этилганди. Шундан бери улар мунтазам равишда узайтириб келинмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)