Спорт ҳаракати ривожига қўшган ҳиссаси учун Туркманистон президенти Гурбангули Бердимуҳамедов каратэ-донинг ўнинчи дан (даража) қора белбоғи билан тақдирланди. Бу ҳақда «Туркменистан: золотой век» ахборот агентлиги хабар қилди.
Ушбу фахрий мукофотни «Осиё ўйинлари—2017: тинчлик ва тараққиёт учун халқаро спорт ҳамкорлиги» конгрессида, Халқаро Мейбукан годзю-рю каратэ-до ассоциацияси раҳбари Яги Мейтатсу топширди.
Яги Мейтатсу форумнинг конструктив ҳамда самарали фаолиятига яратиб берилган имконият ва ажойиб шароит учун президент Гурбангули Бердимуҳамедовга йиғилганлар ҳамда шахсан ўзининг номидан самимий миннатдорчилик билдирди.
Мамлакат раҳбари Гурбангули Бердимуҳамедов ушбу мукофотни Туркманистон спорти ҳамда жисмоний маданияти ривожи, халқаро спорт ҳаракатида мамлактнинг фаол иштироки, олимпиада ҳаракатларида ўзининг юксак ғояларига содиқлиги, дўстликни мустаҳкамлашда спортнинг аҳамияти ва халқлар ўртасидаги дўстлик ҳамда ҳамжиҳатликнинг бир белгиси сифатида қабул қилаётганини таъкидлади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)