Япония ҳукумати мамлакатнинг ҳудудий сувлар чегарасини ва эксклюзив иқтисодий зоналарни белгилаб турувчи одам яшамайдиган 273 та оролни расман давлат мулкига айлантирди. Тегишли қарор Токиода вазирлар маҳкамасининг йиғилишида қабул қилинган. Бу ҳақда «ТАСС» хабар берди.
Миллийлаштирилган оролларнинг расмий эгаси бўлмаган. Ҳукуматнинг фикрига кўра, оролларнинг расмий эгаси бўлмаганлиги қўшни давлатларнинг, биринчи навбатда Хитойнинг уларга нисбатан даъвогарлик хавфини келтириб чиқарган. «Санкэй» газетаси аввалроқ хорижий инвесторлар оролларни қонуний тартибда сотиб олиши мумкинлиги ҳақида хабар берган.
Пекин Шарқий Хитой денгизидаги Сенкаку ороллари ҳудудида жойлашган япон эксклюзив иқтисодий зоналари чегараларини тан олмайди ва бу оролларга даъвогарлик қилади. Бу ҳудудлар узоқ вақт япон фуқароларига тегишли бўлиб, хусусий ҳисобланган. Бироқ 2012 йилда Япония ҳукумати Сенкаку оролларини тўлиқ миллийлаштирди ва шундан сўнг Хитой ҳукумати билан кескин низолар юзага келди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)