Халқаро футбол федерацияси (ФИФА) ташкилотга аъзо мамлакат терма жамоаларининг янгиланган рейтингини эълон қилди.
Самвел Бабаян бош мураббийлигидаги Ўзбекистон миллий терма жамоаси 586 очко билан 60-ўринга кўтарилди. Бу аввалги кўрсаткичдан 3 поғона яхшироқ деганидир.
Ўзбекистон Осиё футбол конфедерацияси (ОФК)га аъзо терма жамоалар орасида 6-ўринда қолди. Эрон, Жанубий Корея ва Япония ҳамон кучли учликни банд қилиб турибди.
1 (28). Эрон – 820 очко;
2 (43). Жанубий Корея – 691 очко;
3 (44). Япония – 629 очко;
4 (50). Австралия – 622 очко;
5 (52). Саудия Арабистони – 610 очко;
6 (60). Ўзбекистон – 586 очко;
ЖЧ–2018 мезбони Россия аввалги натижасига қараганда 1 ўрин йўқотиб, Ўзбекистон термасидан кейин 61-поғонадан жой олди.
ЖЧ–2018 турнирига биринчи йўлланмани қўлга киритган Бразилия терма жамоаси ФИФА рейтингида 1661 очко билан сўнгги 7 йилда илк марта етакчиликни қўлга олди.
Иккинчи ўринни Аргентина (1603 очко) эгаллаб турган бўлса, учинчи ўриндан Германия (1464 очко) жой олган. Жадвалда 4–10-ўринларни тегишли равишда Чили, Колумбия, Франция, Бельгия, Португалия, Швейцария ва Испания терма жамоалари эгаллаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)