Олмазордаги хонадондан 4 минг доллардан ортиқ пул ўғирлаган босқинчилар қўлга олинди

2017 йил 1 апрель куни Олмазор туманида яшовчи фуқаро Ҳакимованинг хонадонига ўзини «Тошиссиққуввати» унитар корхонаси ходимлари деб таништирган номаълум шахслар босқинчилик йўли билан бостириб кирган.

Жиноятчилар фуқаро Ҳакимованинг қўл ва оёқларини боғлаб, 4 360 АҚШ доллари ва 1 300 000 сўмлик пул ва тилла буюмларни қўлга киритиб, воқеа жойидан яширинган. Бу ҳақда Тошкент шаҳар ИИББда бўлиб ўтган брифингда маълум қилинди.

Олиб борилган тезкор тадбирлар давомида 2 апрель куни ушбу жиноятни 1993 йилда Самарқанд вилоятида ва 1997 йилда Қашқадарё вилоятида туғилган икки фуқаро содир этганлиги аниқланиб, далилий ашёлар билан қўлга олинган.

Икки фуқарога нисбатан қамоққа олиш эҳтиёт чораси қўлланган. Уларнинг жиноий шериги — 1995 йилда туғилган фуқаро қидирилмоқда.

«Дарё»нинг Telegram’даги расмий канали — @toshqindaryo’га аъзо бўлинг!