Пекин—2008 Олимпиадасида Ўзбекистон шарафини ҳимоя қилиб, +120 килограмм вазн тоифасида олтин медалга эга чиққан курашчи Артур Таймазов чемпионликдан мосуво қилинди. Бу ҳақда Olympics сайти хабар берди.
Аввалроқ Артур Таймазовдан олинган допинг намунаси ижобий чиққани айтилганди. Бу хабар ўз тасдиғини топса, олтин медаль Таймазов билан финал жангида гиламга чиққан россиялик Бахтиёр Аҳмедовга насиб қилиши мумкинлиги қайд этилганди.
Қайта текширувлар Таймазовнинг тақиқланган моддадан фойдаланганини тасдиқлади ва у олтин медалидан маҳрум қилинди.
Маълумот учун, Артур Таймазов уч карра Олимпиада чемпиони ҳисобланади. У Афина—2004 ва Лондон—2012 Олимпиадаларида ҳам олтин медални қўлга киритганди. Сидней—2000 Олимпиадасида эса Ўзбекистон делегациясига кумуш медални олиб берганди.
Изоҳ (0)