«Ўзбекистон Президентининг Москвага ташрифи доирасида имзолаш учун тайёрланган Россия — Ўзбекистон келишувлари ҳажм жиҳатдан бемисл аҳамиятга эга», — деб фикр билдирди Россия Федерацияси бош вазири Дмитрий Медведев Шавкат Мирзиёев билан бўлган учрашув чоғида. Бу ҳақда «ТАСС» хабар берди.
Жуда кенг кўламдаги ҳужжатлар тўплами тайёрланган. Ҳужжатлар сўнгги йиллардаги ўзаро муносабатларимизда ҳажми жиҳатдан бемисл аҳамият касб этади ва ҳамкорлигимизнинг, иқтисодиёт, янги лойиҳалардан тортиб, гуманитар, миграция ва меҳнат масалаларигача бўлган барча соҳаларини қамраб олади. Ишончим комилки, ташрифингиз муваффақиятли ўтади ва мамлакатларимиз ўртасидаги дўстона муносабатларнинг янги саҳифаси очилиши учун дебоча бўлади.Россия бош вазири Шавкат Мирзиёевнинг Ўзбекистон Президенти сифатида Россияга дастлабки ташрифини амалга ошираётганини таъкидлаб, Ўзбекистон Москва учун стратегик ҳамкор эканлигига алоҳида урғу берди.Дмитрий Медведев, Россия Федерацияси бош вазири
«Бу биз турли соҳалардаги кўп сонли муносабатлар орқали боғланиб турадиган яқин мамлакат», — деди Медведев ўз нутқида.
Шавкат Мирзиёевнинг ташрифи доирасида имзоланиши учун сиёсий, савдо-иқтисодий, миграция соҳаларига, шунингдек, минтақавий ҳамкорлик, сайёҳлик ва соғлиқни сақлаш соҳаларига оид умумий қиймати 16 миллиард долларни ташкил этадиган 55 та ҳужжат тайёрланган. Қиймати 4 миллиард доллар бўлган бир қатор ҳужжатлар 3 апрелда Ўзбекистоннинг Москвадаги элчихонасида имзоланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)