Қирғизистон президенти Алмазбек Атамбаев давлат раҳбарлигини топширганидан сўнг мамлакатни ким бошқаришини билмаслигини маълум қилди. Бу ҳақда «ТАСС» хабар бермоқда.
«Бу лавозимни эгаллашни истаганлар кўп. Мен адолатли сайловларни ташкил этаман ва барчага омад тилайман», — дея таъкидлади Алмазбек Атамбаев.
Атамбаев уни келгусида ҳимоя қиладиган ворис танлаши лозимлигини даъво қилаётган мамлакатдаги айрим ОАВлар нуқтаи назарини хато ҳисоблашини билдирди.
«Қирғизистоннинг ҳар бир фуқароси менинг ворисим, чунки ўзим ҳам фуқароман. Барчамиз халқимиз танлаган йўлнинг издошимиз. Айнан халқ кейинги президентни танлайди», — дея хулоса қилди Қирғизистон президенти.
Маълумот учун, Қирғизистонда президентлик сайловлари шу йил 19 ноябрда бўлиб ўтади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)