Санкт-Петербург метросида портлаш юз берди

Санкт-Петербург метросининг «кўк» йўналишида портлаш юз берди, дея хабар бермоқда Meduza.

«Лайф» хабарига кўра, портлаш «Садовая» бекатидаги вагонда юз берган. «Питер ТВ» портали эса портлаш «Сенная майдони» станциясида юз берганини ёзмоқда.

Ўз навбатида, «Фонтанка» нашри «Сенная плошад» бекатида тутун пайдо бўлганини ёзган. «Санкт-Петербург» телеканали портлаш «Технология институти» бекатида юз бергани ҳақида хабар қилди.

Ҳодиса гувоҳларининг сўзларига кўра, портлаш оқибатида жабрланганлар ва, эҳтимол, ҳалок бўлганлар бор.

«Садовая» ва «Сенная» бекатлари Санкт-Петербург метросидаги ўтиш бекатларидан бири ҳисобланади. «Технология институти» эса «Сенная майдони»дан кейинги бекат ҳисобланади.

«Дарё»нинг Telegram’даги расмий канали — @toshqindaryo’га аъзо бўлинг!