Либерал партия вакили Мун Чжэ Ин Корея Республикаси президентлик лавозимига энг оммабоп номзодлигича қолмоқда. Бу ҳақда Realmeter агентлиги томонидан ўтказилган ижтимоий сўровнома гувоҳлик беради, деб ёзади «ТАСС».
«Агар сайловлар бугун бўлиб ўтганда Мун Чжэ Ин учун 34,9 фоиз овоз бериларди, бу ўтган ҳафта кўрсаткичларидан 0,5 фоизга ортиқдир», — дейилади тадқиқотда.
Сўровнома натижаларига кўра, иккинчи ўринни марказий Халқ партияси вакили Ан Чхоль Су эгаллади. У учун иштирокчиларнинг 18,7 фоизи овоз берди, бу ўтган ҳафта натижасидан 6,1 фоизга ортиқ.
Ундан кейинги ўринларни 12,1 фоиз овоз билан Чхунчхон-Намдо провинцияси губернатори Ан Хи Чжун ва ўн фоиз овоз билан Соннам шаҳри мери Ли Чжэ Мён эгаллади. Кёнсан-Намдо провинцияси губернатори Хон Чжун Пхё учун сўровнома қатнашчиларининг 7,5 фоизи овоз берди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)