Буюк Британия ҳукумати Британия эксклави бўлмиш Гибралтар билан биргаликда Европа Иттифоқидан чиқиш учун кечадиган музокараларга «ечимларнинг энг мақбулини» ишлаб чиқиш ниятида, деб хабар беради «Корреспондент.net».
Бу ҳақида Буюк Британия бош вазири Тереза Мэй Гибралтар ҳукумати раҳбари Фабиан Пикардо билан бўлиб ўтган телефон суҳбатида маълум қилди.
Тереза Мэйнинг сўзларига кўра, Лондон Гибралтар ўз маҳаллий аҳоли иродасига қарши бориб, Британиянинг назоратидан чиқишига йўл қўймайди. Шу ўринда Пикардо, Буюк Британиянинг Brexit музокараларида Гибралтар манфаатларини ҳам ҳисобга олишига умид билдирди.
Аввалроқ, 31 март куни Брюсселда Лондоннинг Буюк Британияни Европа Иттифоқидан чиқиши борасидаги музокаранинг асосий йўналиш лойиҳаси маълум қилинган эди.
Британиянинг денгиз орти ҳудудига кирувчи 32 мингга яқин аҳолиси бўлган Гибралтар унчалик катта бўлмаган, Ўртаер денгизи билан Атлантика океанини ажратиб турувчи ярим оролда жойлашган.
Brexit бўйича ўтказилган референдумда 95,9 фоиз гибралтарликлар Европа Иттифоқи таркибида қолиш учун овоз берган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)