Россия томонидан Тожикистоннинг Somon Air авиакомпаниясининг Россия шаҳарларига парвозларига қўйиладиган чекловлар жавобсиз қолмайди. Бу ҳақда «Интерфакс» республика транспорт вазирлигига таяниб хабар берди.
«Россия томони бугунги кундан бошлаб Somon Air парвозларига чекловлар жорий қилди: душанба, чоршанба, жума кунлари Душанбедан тўртта рейс ва Хўжанддан учта рейс тақиқланди. Биз жавоб чораларини кўришга мажбурмиз, ва ушбу чоралар ҳозир муҳокама қилинмоқда», — деди агентлик суҳбатдоши.
Шу билан бир вақтда у Россиянинг «Ямал» авиакомпанияси парвозлари масаласи ҳал бўлганини, унга Хўжанд ва Душанбедан тўртта рейс тақдим этилганини эслатди.
«Аммо улар еттита рейсни талаб қилади. Биз ўз хатимизда июнгача ушбу рейслар учун эҳтиёжни ўрганиб чиқиб, сўнг уларни кўпайтириш ёки камайтириш кераклигини қайд этган эдик. Биз ўз нуқтаи назаримизда қоламиз. Бироқ биз музокараларни давом эттиришга ва мақбул вариантни топишга тайёрмиз», — дея таъкидлади манба.
Изоҳ (0)