АҚШ президенти Дональд Трамп Ўзбекистон халқини Наврўз байрами билан табриклади. Бунга жавобан, Ўзбекистон Президенти Шавкат Мирзиёев АҚШ давлат раҳбари номига мактуб йўллади. Мактуб матни ЎзА томонидан эълон қилинган.
Мавзуга доир: Дональд Трамп: Ўзбекистонда амалга оширилаётган кенг кўламли ислоҳотлар ва тараққиёт жараёни бизни ҳам мамнун этмоқда
Сизга ва Сизнинг тимсолингизда бутун Америка халқига янгиланиш, фаровонлик ва уйғониш фасли бўлган Наврўз байрами муносабати билан йўллаган самимий табрик ва эзгу тилакларингиз учун чин дилдан миннатдорлик изҳор этаман.«Дарё»нинг Telegram’даги расмий канали — @toshqindaryo’га аъзо бўлинг!Сизнинг шахсий муносабатингизни юксак қадрлайман, Ўзбекистон билан АҚШ ўртасидаги ҳар томонлама ҳамкорликни кенгайтириш ва мустаҳкамлаш, хусусан, мамлакатларимиз бизнес доираларининг яқин алоқаларини тўлиқ қўллаб-қувватлайман.
Ўзбекистон билан Американинг стратегик шериклик муносабатларини янада ривожлантириш, айниқса, минтақавий ва халқаро тинчлик ва барқарорликни таъминлаш борасидаги долзарб масалалар бўйича ёндашувларимизнинг муштараклиги мамлакатларимиз ўртасидаги кенг қамровли муносабатларни изчил ривожлантириш учун мустаҳкам асос бўлиб хизмат қилишига ишонаман.
Биз амалга ошираётган чуқур ва кенг кўламли ислоҳотларни юксак эътироф этганингиз учун Сиздан миннатдорман. Биз фуқаролик жамияти асосларини мустаҳкамлаш, бозор ислоҳотларини чуқурлаштириш ва аҳоли ҳаёт даражасини тубдан ошириш бўйича танлаган йўлимизни қатъий ва изчил давом эттирамиз.
Фурсатдан фойдаланиб, Сиз, Жаноб Президентга мустаҳкам сиҳат-саломатлик ва давлат раҳбари сифатидаги фаолиятингизга улкан муваффақиятлар, АҚШ халқига тинчлик, хотиржамлик ва фаровонлик тилайман.
Самимий ҳурмат билан,Шавкат Мирзиёев, Ўзбекистон Президенти
Изоҳ (0)