Синди Кроуфорд – 90-йиллардаги энг машҳур супер-моделлардан бири, ўзининг 51 ёшида ҳам ёш ва чиройли кўринади. У саёҳатларга чиқади, макаронларни рад қилмайди, ёшлик ва гўзаллик сирларини мамнуният билан ўртоқлашади.
1-сир: баҳона ахтарманг
Қанчалик банд бўлсангиз ҳам машқ қилишга ҳар доим вақт топса бўлади: офисга зинадан чиқаётганда ҳам, гантель билан машқ қила туриб чой қайнашини кутаётганда ҳам.2-сир: болалар халал бермайди
Болаларим туғилгандан кейин машқ қилишни ташлаб қўймадим, фақат спортга бошқача қарай бошладим. Илгари машқлардан сўнг, қаттиқ чарчаганимдан уйга келишга зўрға куч топар эдим. Кейинчалик тушундимки, машқлар чарчоқлик эмас балки янги куч бағишлаши керак. Болаларингиз бўлса ҳам машқ қилишни давом эттиринг, чунки уларни тарбия қилишингиз учун сизга ҳали кўп куч керак бўлади.3-сир: мунтазамликдан қутулинг
Машқларингизни ўзгартириб туринг: бугун паркда югурсангиз, эртага велосипедда сайр қилинг, бир-икки кундан кейин эса яна спорт залига боринг.4-сир: ҳеч нарсадан воз кечманг
Яхши кўрган таомдан воз кечиш жуда оғир. Мен бу овқатлар қомат учун жуда зарарли эканлигини билсам ҳам макарон ва оқ нонни яхши кўраман. Лекин, барибир мунтазам равишда итальян ресторанларига бориб хоҳлаганимча макарон ейман. Кейин, албатта қаттиқ парҳез тутаман ва спорт залида кучайтирилган режимдаги машқлар ёрдамида ортиқча калориядан халос бўламан.5-сир: ёмон ўйларни унутинг
Ташқи кўринишингиз сизнинг руҳий ҳолатингиз билан бевосита боғланган. Қанча машқ қилсангиз ва қанча вазнингизни камайтирсангиз ҳам, ёмон хаёллардан қутулмасангиз ҳеч қачон ажойиб кўринишга эга бўлолмайсиз.Манба: Cosmopolitan
Изоҳ (0)