«Ўлим фариштаси» тахаллуси билан танилган америкалик серияли қотил Дональд Харвини 50 кишини ўлдиргани учун умрбод қамоқ жазосини ўтаётган турма камерасида дўппослаб ўлдиришди, деб ёзади «РИА Новости».
Дональд Харви 1970—1980 йилларда Огайо ва Кентукки штатларидаги касалхоналарда санитар бўлиб ишлаган. Ўз қурбонларининг кўпчилигини уларнинг овқатига заҳар қўшиш йўли билан ўлдирган. Баъзи беморлар эса жиноятчи уларнинг сунъий нафас олиш аппаратини узиб қўйганидан кейин нафаси қайтиб ўлган.
Унинг қурбонларидан бирини ёриш вақтида анатом-патолог заҳарловчи модда ҳидини сезиб қолгач, Харвининг жиноятлари ошкор бўлган. У бир неча марта умрбод қамоққа маҳкум этилган ва Огайодаги Толидо шаҳар қамоқхонасида жазосини ўтаётган бўлган.
Номаълум киши 64 ёшли Харвининг камерасига кириб, уни дўппослаган. Икки кундан сўнг у олган жароҳатлари туфайли вафот этган.
Изоҳ (0)