Туркия қуролли кучларининг Сурия шимолидаги «Фрот қалқони» ҳарбий операцияси муваффақиятли якунланди. Бу ҳақда Hurriyet нашри маълум қилмоқда, деб ёзади «Газета.ru».
Бу ҳақда Туркия миллий хавфсизлик кенгашининг мамлакат президенти Ражаб Тоййиб Эрдўғон бошчилигидаги мажлисида маълум қилинди.
Унда мамлакат хавфсизлигини таъминлаш, ИШИД таҳдидини бартараф этиш мақсадида бошланган «Фрот қалқони» операцияси муваффақиятли якунланганлиги таъкидланди.
Аввалроқ Эрдўғон Анқара «Фрот қалқони» ҳарбий операцияси бўйича Москва билан зиддиятларга эга эмаслигини маълум қилган эди.
Туркия 2016 йилнинг 24 августида Сурия шимолида ИШИД жангариларига қарши «Фрот қалқони» операциясини бошлаган эди. Икки мамлакат чегараси яқинида жойлашган Жараблус ва Ал-Боб шаҳарлари қўлга киритилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)