Ироқ федерал полицияси Мосул шаҳрида ИШИД террорчилик гуруҳининг «соғлиқни сақлаш вазири» деб аталувчи аъзосини йўқ қилди. Бу ҳақда федерал полиция қўмондони, генерал Раид Шокир Жавдат маълум қилди, деб ёзади «ТАСС».
«Федерал полиция бугун ИШИД соғлиқни сақлаш вазири Сайдулла Абу Шуаибни йўқ қилди», — дейилади баёнотда.
Таъкидланишича, жангари ўз ҳамроҳлари билан биргаликда Мосулнинг Эски даҳасидаги республика касалхонаси яқинида йўқ қилинган. Бундан ташқари, Жавдатнинг қўшимча қилишича, террорчини йўқ қилиш бўйича операция разведканинг аниқ маълумотлари асосида ўтказилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)