Тошкент врачлар малакасини ошириш институти биносида Ўзбекистон Республикаси Президенти девонининг Жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати ходимлари ҳамда пойтахтнинг Мирзо Улуғбек тумани мутасадди ташкилотлар раҳбарлари иштирокида аҳоли вакиллари учун сайёр қабул ташкил этилди.
Тадбир Президент Виртуал қабулхонаси ва Халқ қабулхоналарига келиб тушган мурожаатларни жойида ҳал этишга ва мавжуд камчиликларни бартараф этишга бағишланди.
Мазкур тадбирда Тошкент шаҳри ҳамда Мирзо Улуғбек тумани ҳокимликлари ходимлари, ҳуқуқни муҳофаза қилувчи идоралар, тегишли бошқарма ва ташкилотлар раҳбарлари аҳоли билан юзма-юз мулоқот қилди.
Учрашувда таъкидланганидек, шу йилнинг 25 март кунига қадар Виртуал қабулхонага жами Тошкент шаҳрида истиқомат қиладиган фуқаролар томонидан 140 674 та мурожаат юборилган, шуларда 16 843 таси Мирзо Улуғбек туманига тўғри келади. Жумладан, уларнинг 21 фоизи – уй-жой олиш ва уй-жой қуриш учун ер ажратиш масаласига, 9,6 фоизи – судларда жиноят ишлари, фуқаролик ишлари, хўжалик судларида ишлар кўрилиши ҳамда суд қарорларининг ижро этилиши масалаларига, 8,5 фоизи – моддий ёрдам, иш ҳақи, пенсия таъминоти ҳамда болалар нафақасини олиш масалаларига оиддир.
Тадбирда 170 га яқин мурожаатлар кўриб чиқилиб, уларнинг аксарият қисми ижобий ҳал этилди.
Кўриб чиқилган барча мурожаатлар бўйича шаҳар ва туман мутасадди идора ва ташкилотларга тегишли кўрсатмалар берилди.
Facebook’даги «Халқ билан мулоқот» гуруҳи
Изоҳ (0)