Республика Ҳукуматининг топшириғига асосан 2017 йилнинг 25 март куни «Кучлик нефть базаси» УК томонидан Тошкент вилояти Ўртачирчиқ тумани мисолида, фермер хўжаликларини ёнилғи-мойлаш маҳсулотлари билан таъминлаш жараёнини автоматлаштириш бўйича таклиф этилаётган янги тизим тавсифи ҳақида семинар ўтказилди. Семинарда Тошкент вилояти ҳокими Ш.Бобоев, Вазирлар Махкамасининг масъул ходимлари, «Ўзнефтмаҳсулот» АК ходимлари, Тошкент вилоятининг қишлоқ хўжалигига алоқадор барча корхона-ташкилот мутассаддилари, Ўртачирчиқ тумани прокурори, ИИБ бошлиғи ва ходимлари иштирок этди.
Туман ҳокимлиги ташрифи асосида бўлиб ўтган семинарда қишлоқ хўжалиги маҳсулотларини етиштириш учун зарур бўладиган ёнилғи-мойлаш маҳсулотлари фермер хўжаликларига ФЁТШларга бириктирилган кўчма агрегатлар орқали етказиб берилиш жараёни қандай тарзда бўлиб ўтиши «Кучлик нефть базаси» УК директори томонидан тушунтирилиб ўтилди.
Таклиф этилаётган янги тизимга кўра: Ўртачирчиқ туманида мавжуд 7 та ФЁТШларнинг ҳар бирида 2 донадан ташиш агрегатлари билан ишлаш фаолияти йўлга қўйилади; фаолият юритаётган ФЁТШларда тумандаги қишлоқ хўжалик корхоналарининг бир ҳафталик эҳтиёжини қондирадиган ёнилғи-мойлаш маҳсулотларини сақлаш мумкин бўлган маҳсулот сиғимлари ва тегишли қурилмалар билан жиҳозланади; ёнилғи-мойлаш материалларини ташиш агрегатларининг сони туман экин майдонларининг ҳажми ва масофасидан келиб чиққан ҳолда таъминланади; ФЁТШга борганда қабул қилинаётган ЁММ миқдори сиғимга ўрнатилган қабул қилиш мосламаси орқали тўлалигича қабул қилингани назорат остига олинади; Мониторинг марказларига берилган буюртма ва тақсимотга асосан олинадиган ёнилғи миқдорларини фермер-хўжаликлар карталарига юклаб берилади, ҳамда назорат қилинади; фермер-хўжаликларига тарқатиладиган ЁММ миқдори «Ридер» мосламаси орқали карточкалардан фойдаланилади, фермер-хўжалик дала майдонларига етказиб берилади.
Изоҳ (0)