Ўзбекистон давлат жаҳон тиллари университетида 28 март куни Рус тили маркази очилди. Маросимда Россия президентининг халқаро маданий ҳамкорлик бўйича махсус вакили Михаил Швидкой, Ўзбекистон Республикаси Олий ва ўрта-махсус таълим вазирлиги раҳбарияти, «Россотрудничество» ташкилотининг директор ўринбосари Дмитрий Гужеля ва бошқалар иштирок этди.
Ишга туширилган янги марказда тажриба алмашиш учун Россия олий ўқув юртларининг профессор-ўқитувчиларини таклиф этиш, адабиёт кечалари, тил ўрганиш бўйича танловлар ўтказиш режалаштирилган.
Тошкентдаги рус тили ва адабиёти ўқитувчилари жамияти муаллимлари рус тилини ўрганишга аҳд қилганларга, ўз кўникмаларини мукаммаллаштириш истагида бўлганларга амалий-методик ёрдам бериш мақсадида ушбу марказнинг очилишида бевосита ташаббус кўрсатди.
ЎзДЖТУ Рус тили филологияси факультети ҳамда Рус тили ва адабиёти кафедраси ўқитувчилари марказ фаолиятида етакчи мутахассис сифатида иш олиб боради.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)