Наврўз — баҳорий янгиланиш, табиатнинг уйғониши ҳамда эзгу ниятлар байрами. Бу сумалак ва ош тайёрлаш, сўнг бутун маҳалла билан биргаликда бир дастурхон атрофида жамланиш пайти. «Кўкча Қўрғони» аҳолиси Наврўзни билан биргаликда энг катта ҳовли тўйини нишонлади.
«Кўкча Қўрғони» — Эски шаҳардаги собиқ тўқимачилик фабрикаси ҳудудида қурилган турар-жой мажмуаси, Murad Buildings девелоперларининг илк лойиҳаларидан бири. У ноёб намунадаги уй бўлиб, қурилиш тугашидан анча олдин деярли тўлиқ сотилиб бўлинганди. Хонадонларнинг ҳаммаси мажмуа очилишигача бирин-кетин сотиб бўлинганлиги, бу халқнинг компанияга бўлган катта ишончини билдиради. Бугунги кунда уйларга тўлиқ кўчиб ўтган мажмуанинг аҳил оилалари учун бу кун ўзига хос ҳовли тўйига айланди.
«Уй олма, қўшни ол» деган нақлни ушбу меъморий ансамблдаги хонадонларнинг бахтли эгалари оғзидан тез-тез эшитиш мумкин. Уйда яшовчилар таъкидлашича, бу ерда ўзига хос, дўстона муҳит юзага келган.
Биринчи кунданоқ байрамларни, оилавий хурсандчиликларни биргаликда, битта катта жамоа бўлиб нишонлаш яхши анъанага айланди. Болаларни ҳимоя қилиш кунида ҳам, Янги йилда ҳам ва бугун, катта сумалак дошқозони атрофида ҳам шундай бўлди.
Байрамга тайёргарлик бир неча ой олдиндан бошлаб юборилди.
Ҳар ким ўз ҳиссасини қўшди — кимдир моддий, кимдир масаллиқлар ва ноз-неъматлар билан ёрдам қилди, яна кимдир ташкилий масалаларни ҳал қилишга кўмаклашди. Ҳеч ким четда қолмади.Murad Buildings ҳам қўллаб-қувватлади — шоу дастурини ва cандй-баръни ташкил қилди. Аммо уларнинг энг асосий совғаси янги болалар майдончаси, шунингдек, мини-футбол ва волейбол учун спорт майдони бўлди. Турар-жой мажмуаси сотилганидан кейин кўп вақт бўлган бўлса-да, бу биз учун кўрсатилган ғамхўрликнинг ноёб намунаси бўлди. Бунинг учун биз жуда миннатдормиз.
Даврон Абдуқодиров, янги хонадон соҳиби
Эрта тонгдан эркаклар ош тайёрлади, нафақат қўшниларни, балки яқин атрофдаги бошқа уйларда яшовчиларни ҳам меҳмон қилишди. Шундан сўнг дастурхонлар ёзилди, кечга бориб, кўнгилочар дастур — миллий қўшиқлар, рақслар, танловлар бошланди.
Ҳаммадан ҳам болалар хурсанд эди: улар берилиб варрак учирди, cандй-баръдан болалар майдончасига қараб югурди, севимли мультфильмлар қаҳрамонлари қиёфасидаги аниматорлар билан ўйнади, фото-зонада мамнуният билан суратга тушди, болалар майдончасидаги янги «аттракционлар»ни синаб кўрди. Катталар ҳам, гўёки, болалик даврига тушиб қолди: кишининг завқини келтирадиган шодлик уларга ҳам ўтди.
Ўтган йили биз бу уйга кўчиб ўтдик ва ишонч билан айта оламанки, қўшнилар ўртасидаги бундай бирдамликни ҳали ҳеч қаерда учратмаган эдим. Айнан шу ердан хонадон сотиб олиб тўғри иш қилганимга амин бўлдим ва буни ҳаммага гапириб юраман. Агар Murad Buildings’нинг шиори «Биз бахт улашамиз» бўлса, унда шу уйда яшовчилар — бу бахтнинг эгалари.Ҳасан Мамасаидов, янги хонадон соҳибларидан бири
Наврўзда «Кўкча Қўрғони»га ташриф буюрган Ўзбекистондаги Британия Кенгаши раҳбарининг рафиқаси Анна Кросси ўз таассуротларини бўлишди:
Шарқона Янги йили нишонланиши ҳақида кўп эшитганман, аммо бунда шахсан иштирок этиш — бутунлай ўзгача ҳиссиёт. «Кўкча Қўрғони» аҳли ҳаммаси жуда аҳил экан, мени эса худди азалдан танийдигандек илиқ кутиб олишди. Хонадонлар соҳиблари тайёрлаган таомларнинг барчаси жуда мазали. Сумалакнинг тайёрланиши мени ҳайратга солди — зиғирча ҳам шакар солинмайди, аммо жуда ширали бўлиб пишар экан. Мен бу кунни шу ерда ўтказганимдан ва яна бир бор ўзбек халқининг меҳмондўстлигини ҳис қилганимдан мамнунман.Анна Кросси, Ўзбекистондаги Британия Кенгаши раҳбарининг рафиқаси
Самимий давра, мазали ош, сумалак, кўк сомса, қувноқ қўшиқлар ва рақслар, болалар кулгиси ва ифодалаб бўлмайдиган байрам муҳити — бизнингча, Наврўзни ҳар бир уйда айнан шундай кутиб олиш керак. Ҳатто кўп қаватли турар-жой мажмуаларида ҳам бундан мустасно эмас.
Байрамингиз муборак бўлсин, дўстлар!
Реклама ҳуқуқи асосида
Изоҳ (0)