Ўзбекистон Республикаси ташқи ишлар вазири Абдулазиз Комилов Россия президентининг халқаро маданий ҳамкорлик бўйича махсус вакили, МДҲга аъзо давлатлар Гуманитар ҳамкорлик давлатлараро жамғармаси (ГҲДЖ) бошқаруви ҳамраиси Михаил Швидкойни қабул қилди. Бу ҳақда вазирлик матбуот хизмати хабар бермоқда.
Учрашув чоғида маданий—гуманитар соҳада икки томонлама ҳамкорликнинг ҳозирги ҳолати ва истиқболлари Ўзбекистон ва Россия ўртасида изчил ривожланаётган алоқаларнинг муҳим қисми сифатида муҳокама қилинди.
Таъкидланганидек, Россиядаги Пушкин номли давлат тасвирий санъат музейида Ўзбекистон Миллий музейи жамғармасининг рассомлик ва графика асарлари, археология топилмалари, амалий санъат ишлари тақдим этилувчи бўлажак «Шарқ хазинаси» номли кўргазма Ўзбекистон—Россия муносабатлари ҳамда Москва маданий ҳаётида муҳим воқеага айланади.
Суҳбат давомида ўзаро манфаатли бўлган бошқа масалалар ҳам кўриб чиқилди.
Учрашувда Россиянинг Ўзбекистондаги Фавқулодда ва мухтор элчиси Владимир Тюрденев, ГҲДЖ ижрочи директори Анатолий Иксанов иштирок этди.
Изоҳ (0)