Ўзбекистон Республикаси Президенти Шавкат Мирзиёев «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисидаги қарор»ни имзолади. Бу ҳақда Norma хабар бермоқда.
Мазкур қарорга биноан, Ўзбекистон Республикаси Бош прокуратураси мамлакатда ҳуқуқбузарликларга қарши курашни мувофиқлаштиришни амалга оширади.
Бош прокуратура қуйидаги комиссиялар бўйича ягона мувофиқлаштирувчи орган этиб белгиланди:
- Ҳуқуқбузарликлар профилактикаси ва жиноятчиликка қарши курашиш бўйича республика идоралараро комиссияси;
- Вояга етмаганлар ишлари бўйича республика идоралараро комиссияси;
- Одам савдосига қарши курашиш бўйича республика идоралараро комиссияси;
- Коррупцияга қарши курашиш бўйича республика идоралараро комиссияси.
Ҳуқуқбузарликлар содир этилиш сабаб ва шарт-шароитлари, қонунийлик ва ҳуқуқ-тартиботни таъминлашга таъсир этувчи омиллар, ҳуқуқбузарликлар салбий динамикаси кузатилган соҳаларда тизимли таҳлилни ташкил этиш мазкур бошқарманинг асосий вазифаси этиб белгиланди.
Изоҳ (0)