Франциянинг Alstom концерни ўтган ҳафта охирида водород ёқилғиси ёрдамида ҳаракатланадиган биринчи поезд — Coradia iLint синаб кўрди, дея хабар беради «Коммерсантъ».
Синов Қуйи Саксония машқ майдонида бўлиб ўтди. Поезд тезликни соатига 80 километргача ошира олди. Концерн яқин ойларда поезд синовларини Германия ва Чехияда давом эттириш ниятида.
Coradia iLint кейинги йилданоқ мунтазам йўловчи ташиш рейсларида ишлашни бошлаши мумкин.
Компаниядан маълум қилишларича, синов тўрт ҳафта давом этади. Бу вақт ичида поэзднинг энергия тежовчи ҳамда тормоз тизимларининг барқарор ишлаши текширилади.
«Бу тест нафақат атроф-муҳит муфоҳазаси, балки техник инновация учун ҳам муҳим босқичдир. Coradia iLint’да қўлланилаётган ёқилғи элементлари технологияси шарофати билан Alstom жамоат транспортидаги поездлар ўрнини босувчи муқобилни таклиф қилган илк вагонсозлик компанияси бўлди», — дея таъкидлади Alstom концерни вице-президенти Дидье Пфлегер.
Coradia iLint — водород ёқилғи элементи ёрдамида ҳаракатланадиган паст полли йўловчи поезди. Alstom концернидан маълум қилишларича, поезд деярли шовқинсиз ҳаракатланади, ундан чиқадиган ягона чиқит — буғ ва сувдир. Компания ҳозирданоқ Германиянинг бир қатор ҳудудларига 60 та шу каби поездни етказиб беришга келишиб олди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)