Ўзбекистон Республикаси Мудофаа вазирлиги 18 март, шанба куни соат 10:00 дан 13:00 гача «Мудофаа вазирлиги давлат харидларининг шаффофлиги» мавзусида семинар ўтказади. Бу ҳақда «Дарё»га вазирлик мутасаддилари маълум қилди.
Тадбирда тадбиркорлар, маҳсулот ва хизматларни таклиф этувчилар учун Мудофаа вазирлиги томонидан танлов ва тендер савдолари ўтказиш тартиби, харид қилинадиган маҳсулот ва хизматлар рўйхати ҳамда сони ҳақида батафсил маълумот берилиши режалаштирилган.
Шунингдек, семинарда Мудофаа вазирлиги тадбиркорлардан харид қилаётган маҳсулотлар кўргазмаси ҳам ташкил этилади. Тадбир ташкилотчилар ва қатнашчилар ўртасида фикр алмашувлар ўтказилади, ишбилармонларни қизиқтирган барча саволларга жавоб берилади.
Танлов имконияти туғилган тақдирда семинар чоғида танлов комиссияси йиғилиши ўтказилиши ва олди-сотди шартномалари имзоланиши мумкин.
Семинар манзили: Тошкент шаҳри, Яшнобод тумани, Авиасозлар массиви, Маънавият ва маърифат уйи (собиқ Авиасозлар саройи). «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)