Академик лицейларда таълим сифатини ошириш мақсадида ўқув гуруҳлари таркиби 26 нафар ўқувчидан ортиқ бўлмаган тарзда шакллантирилади.
Бу ҳақда Президент Шавкат Мирзиёев томонидан 14 март куни имзоланган «Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида»ги қарорда белгилаб қўйилган.
Мавзуга доир: Ўзбекистонда 4 та академик лицей тугатилади, 54 таси эса касб-ҳунар коллежига айлантирилади
Шунингдек, педагоглар таркиби олий маълумотли ва камида 5 йиллик узлуксиз педагогик иш стажига эга бўлган малакали ўқитувчилар орасидан танлов асосида шакллантирилади.
«Яна бир муҳим янгилик шундан иборатки, академик лицейлар директорлиги учун номзодлар академик лицейлар бириктирилган олий таълим муассасалари ректорлари томонидан тавсия этилиши белгиланмоқда», — дейилади ЎзАда эълон қилинган қарор шарҳида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)