Олмаотада яшовчи Индира Илёсова олти ёшли қизи Софиянинг отаси уни ноқонуний равишда Қозоғистон фуқаролигидан чиқариб, чет элга олиб кетганини даъво қилмоқда, деб ёзади Kazakhstan Today.
Франция фуқароси Антуан Лэкривэн ва Қозоғистон фуқароси Индира Илёсованинг қизи 2010 йилда туғилган ва ўша вақтдан буён унинг ота-онаси ўртасидаги муносабатлар мураккаб бўлиб келган. Ота ҳатто алимент тўламаслик учун судга мурожаат қилган. Олти йилдан кейин эса у астмага чалинган болани ўғирлаб кетган, дейилади хабарда.
Она даъво қилишича, қизини унга хабар бермасдан ва унинг розилигини олмасдан туриб, Қозоғистон фуқаролигидан маҳрум қилишган. У аллақачон полиция, прокуратура, ташқи ишлар вазирлиги ва ҳатто Интерполга ариза билан мурожаат қилган.
Аёлнинг адвокати Антуан Лэкривэн Павлодар вилояти ҳуқуқ-тартибот органлари, миграция полициясига қизи Софияни фуқароликдан чиқариш ҳақида ариза бериб, 9 кун ичида уни фуқароликдан чиқаргани ва Франция фуқаролигига киритганини маълум қилди.
Полиция хулоса чиқаришга шошмасликни ва текширув якунланишини кутишни сўрамоқда.
Изоҳ (0)