АҚШ президенти Дональд Трамп 2005 йилда 150 миллион доллардан ортиқ даромад учун 38 миллион доллар миқдорида солиқ тўлаган. Бу ҳақда Оқ уй MSNBC’нинг телеканал қўлида икки саҳифали солиқ ҳисоботи борлиги ҳақидаги хабарга жавобан маълум қилди, деб ёзади Reuters.
MSNBC телеканали эълон қилган маълумотларга кўра, Трамп 25 фоизлик ставка бўйича солиқ тўлаган. Оқ уй ўз баёнотида Трамп, фирма раҳбари сифатида, «қонун бўйича талаб этиладиган миқдордагидан кўп бўлмаган солиқ тўлаш» мажбуриятига эга эканлигини айтди.
Трамп федерал солиқ ҳажмини камайтириш учун, 100 миллион долларни зарар сифатида ҳисобдан чиқариб ташлаган. Оқ уй аниқлик киритишича, Трамп «қурилиш учун кенг кўламли амортизация»ни ҳисобга киритган.
Оқ уй телеканални федерал солиқ декларацияларини рухсатсиз эълон қилишни тақиқловчи қонунни бузганликда айблади, аммо телеканал бундай ҳуқуқни унга сўз эркинлигини кафолатлайдиган АҚШ Конституциясига киритилган Биринчи тузатиш беришини айтди.
Изоҳ (0)