Покистонда юк машинаси кулбани босиб қолди, етти киши ҳалок бўлди

Покистон шимоли-ғарбидаги Кветта шаҳрида юк машинаси афғонистонлик қочоқлар бўлган кулба устига ағдарилиб кетиши натижасида етти киши, шу жумладан тўрт нафар бола ҳалок бўлди, деб ёзади «РИА Новости».

Полиция маълумотларига кўра, ҳодиса қум ортилган машина юкини тушираётган вақтда содир бўлган. Кулба афғонистонлик қочоқ Шер Муҳаммадга тегишили бўлган. У ўз жонини омон сақлашга муваффақ бўлган, аммо унинг фарзандлари ҳалок бўлган.

Покистонда яшаётган афғонистонлик қочоқларнинг бир ярим миллиони рўйхатдан ўтган бўлса, яна бир миллионга яқини рўйхатдан ўтмаган.