АҚШ ҳарбий-денгиз кучларининг USS Carl Vinson авианосеци Жанубий Кореяда ҳамкорликда ўтказилаётган Foal Eagle манёврларида иштирок этиш учун Пусан портига кирди, деб ёзади «ТАСС» Америка ҳарбий контингентининг Корея Республикасидаги қўмондонлигига таяниб.
Авианосец бошчилигидаги зарба гуруҳи таркибига, шунингдек, иккита ракета эсминеци, крейсер ва 74 та самолёт киради.
Манёврлар чоғида томонлар шартли душманнинг сув ости кемаларига қарши кураш каби жанговар ҳаракатларни машқ қилиш, шунингдек, кема артиллериясидан ер устидаги нишонларга ўқ узишни режалаштирмоқда.
Корея ярим ороли жанубидаги Foal Eagle йирик дала манёврлари 1 мартдан бошлаб олиб борилмоқда.
Изоҳ (0)